بطلنا ولد فى محافظة القاهرة ، وولد بمشكلة في العمود الفقري لكن ده عمره ما كان عائق او مشكلة بالنسبة لعلى.

عمره 19 عام بس حقق انجازات كتيرة جدا على المستوى الرياضى فى السباحة العوم بايدى و قبلها كان لاعب خماسى و على المستوى الاجتماعى انضم لحملة انا ضد التنمر .

على مر بازمات كتيرة و مراحل صعبة فى حياته لكن خدت وقتها ورجع يركز على هدفه اكتر.

انجازاته حوالى اكتر من 15 ميدالية فى مشواره الرياضى من اهمهم:

حصل على ثلاثة مداليات فضيه في بطوله الجمهوريه لعام 2016

وبرونزيتين وفضيه في بطوله الجمهوريه لعام 2017

ذهبيتين وبرونزيتين لبطوله الجمهوريه عام 2018 .

.

على بطلنا بيشتغل على نفسه كتير و بيتحديها علشان يوصل لحلمه. بيستعد ويحلم بأنه يمثل مصر فى الاولمبياد 2020 .

على دايما بيقول “متستسليش للظروف و ركز على هدفك و خلى عندك اصرار عشان توصل اللى عايزاه “.

ان شاء الله يا على تنجح و توصل لحلمك مفيش مستحيل خليك مصر على حلمك و ركز على هدفك هتوصل و كلنا معاك.

كل واحد منا جواه قصة كفاح و حكاية بطولة

لو تعرف ابطال تانيين ممكن نكتب عنهم اعمل تاج ليهم.